top of page
搜尋
  • 作家相片Tiff Y

點解小朋友淨係唔聽自己話?|國際認證行為分析師Tiffany

點解個仔硬係唔聽自己話?近來收到好多家長同我講:「Miss Tiffany,我小朋友淨係聽你話,但永遠都唔會聽我話!究竟我可以點做,個仔先會聽我話?」唔知睇緊呢篇文章嘅你,係咪都有同樣嘅問題呢?有冇諗過點解我可以令小朋友聽我講,但做父母嘅就做唔到?唔通我Miss Tiffany係擁有有神奇力量的魔法師?

1. 能力 VS. 表現

小朋友本身已有聽指令的能力嗎?定係其實佢本身根本未學懂點聽指令?我觀察後發現,其實好多時小朋友根本係未有呢個能力,但家長卻以為子女已經可以做到。所以小朋友當然會做到時得時唔得。

例如曾經有家長話我知,佢同仔仔講:「我哋先做A,跟住就可以有B」,點知小朋友就大發雷霆,使出扭計旋風腿,仲差啲連龜波氣功都使出埋添!我一聽就同家長講:「緊係啦!佢暫時根本就未明呢種指令,所以佢未做到住㗎。你要用住另一種方法同佢溝通住先得。」\

而另一個情況則是正正相反,就係實情子女確實有呢個能力,不過佢選擇唔喺你面前表現出來。我知道其實亦有極多家長嘅情況係咁,下面會再同大家探討。

2. 建立聽指令的能力

如果小朋友原來並未有聽指令的能力,咁我哋就要幫佢建立佢呢方面嘅能力喇!其實之前本人亦有提過指令其實都有分不同的種類,例如一至多個步驟嘅指令,甚至係有先後次序嘅指令等等。如果想有效提升仔女聽指令能力的話,我哋需要針對性並循序漸進咁去教小朋友先得㗎!

3. 增強服從性

除咗教識仔女理解及做到不同的指令,我哋亦要睇下小朋友嘅服從性如何。究竟係咪講一次佢就會聽?定係你要好似唐三藏叫悟空咁叫幾百次,佢先會聽你話呢?

要增強服從性,需要用一啲「應用行為分析」(Applied Behaviour Analysis- ABA) 嘅教學技巧,例如利用具系統性的提示去幫助小朋友有效接收並實行指令、利用「正強化」的方法去推動仔女學習等等。

4. 就是不聽你的話

我哋開頭講過,好多時小朋友其實已經有呢個能力,但就係偏偏唔做畀你睇,咁你可以點做?

古語有云:「吾日三省吾身。」父母會教小朋友每日要檢視並反省自己,睇吓可以如何改善並令自己進步。咁大人又需唔需要反省自己呢?點解仔女就係要同你對抗?會唔會係因為你哋嘅關係已經好差?又或者你都已經好攰,所以當仔女不服從嘅時候,你都控制唔到自己的情緒?你有否用打罵方式去處理仔女嘅行為問題?

如果小朋友見親你嘅時候都唔開心,佢又點會聽你講呢?好多時遇到呢啲情況,我都會建議家長先還原基本步,先重新建立與仔女嘅關係,先再處理聽指令的問題。

當家長聽咗我畀嘅意見,同埋學識用我嘅方法去處理仔女嘅行為問題之後,家長都紛紛向我反映,小朋友嘅情況進步咗好多,自己同仔女嘅關係亦融洽咗好多,完全係Win Win 雙贏局面!

所以Miss Tiffany係咪魔法師?緊係唔係啦!我只係識得運用心理學及ABA專業知識嘅國際認證行為分析師 (BCBA),同時我亦係同大家一樣活喺地球的人類。如果我可以教好小朋友,你都一樣可以!加油!


國際認證行為分析師、心理學碩士 - Miss Tiffany

-兒童行為發展專家⁣⁣⁣ -𝐁𝐨𝐚𝐫𝐝 𝐂𝐞𝐫𝐭𝐢𝐟𝐢𝐞𝐝 𝐁𝐞𝐡𝐚𝐯𝐢𝐨𝐫 𝐀𝐧𝐚𝐥𝐲𝐬𝐭 (𝐁𝐂𝐁𝐀)⁣⁣⁣ -⁣⁣⁣⁣⁣⁣⁣⁣⁣⁣⁣⁣⁣ 兒童行為諮詢服務⁣⁣ -一對一ABA行為治療⁣⁣⁣⁣⁣⁣⁣⁣⁣⁣⁣⁣⁣⁣⁣ -正向行為社交小組⁣⁣⁣⁣⁣⁣⁣⁣⁣⁣⁣⁣⁣⁣⁣ -升小一預備班⁣⁣ -網上ABA家長培訓⁣⁣⁣ -學校影子老師服務⁣⁣⁣⁣⁣⁣⁣⁣⁣⁣⁣⁣⁣⁣⁣ -提升兒童正向行為教具書 - 分享正確及具科學實證有效育兒教學方法 |相信科學,相信專業⁣ |


Link to post: https://www.shemom.com/hot-topics/小朋友聽話-國際認證-行為分析師-tiffany/

4 次查看0 則留言

Comentarios


bottom of page