Published on She.com/SheMom on 27/01/2021
小朋友網上學習已經超過半年，要他們乖乖上 ZOOM 已難上難，上完堂叫他們做功課又是另一個艱難任務。不想變成可怕的循環，應該點做好？我們找來資深行為治療師 Miss Tiffany 給大家一點提示：
情境題：小朋友唔做功課點算好？
首先給大家四個選擇：
A. 點都逼佢做晒，作反呀？ B. 叫佢做咗一條先 C. 可能心情唔好，等佢心情平靜啲先再叫佢做 D. 畀佢玩幾分鐘先叫佢返嚟做功課
Miss Tiffany 曾經於網上向家長們提問過以上問題，發現選擇 C 與 D 的家長相對較多。以下為大家分析哪一個是較佳的選擇：
為何不選擇 A：
我哋嘅目標係令小朋友服從指令，揀A只會令小朋友更加抗拒指令，令到想小朋友聽話嘅計劃無法實行。
為何不選擇 C：
其實呢度係希望小朋友將來係一聽你指令就會做。試諗下，如果你叫左佢做功課但又冇follow through，代表你講嘅說話根本就唔洗遵守。媽媽講嘅說話又洗乜聽喎！
為何不選擇 D：
你仲俾佢去玩一陣添？長此下去，小朋友根本學唔識跟從你嘅指令。做功課？以後都唔駛旨意了！
建議答案 B：
咁點解叫佢做一條呢？因為做一條都可以係叫做功課。由淺入深，由少量做起再加深到越黎越多功課。重點係你唔想一開始就嚇親小朋友令佢怕左做功課，唔好嚇到佢地以後聽到做功課就走都走唔切呀！
下一集 Miss Tiffany 會與大家分享如何慢慢令小朋友學會聽指令。
國際認證行為分析師、心理學碩士 - Miss Tiffany
- 兒童行為發展專家 - 𝐁𝐨𝐚𝐫𝐝 𝐂𝐞𝐫𝐭𝐢𝐟𝐢𝐞𝐝 𝐁𝐞𝐡𝐚𝐯𝐢𝐨𝐫 𝐀𝐧𝐚𝐥𝐲𝐬𝐭 (𝐁𝐂𝐁𝐀) - 𝐀𝐁𝐀一對一行為治療 | 社交小組課程 | 學校影子老師 | 家長培訓服務 | 特殊教育 -《兒童正向行為教學：視覺導航教具書》 - 分享正確及具科學實證有效育兒教學方法 ｜相信科學，相信專業 ｜
FB @psyc.made.simple
IG @psyc.made.simple
Comments